نظام نہیں صرف سزائیں ؟

 سلطان برونائی نے اعلان کیا ہے کہ جلد ہی برونائی میں اسلامی سزائیں نافذ کر دی جائیں گی. اسلامی ممالک میں اکثر ایسے تماشے ہوتے رہے ہیں . ہم یہ سمجنے سے قاصر ہیں کہ ہمارے حکمران اسلامی نظام کے نفاذ میں تو کوئی دلچسپی نہیں لیتے ،اسلامی سزاؤں کے نفاذ کے لیے کیوں بیتاب ہو جاتے ہیں . شاہد سستی شہرت حاصل کرنے کا یہ ایک اچھا طریقہ ہو. لیکن اس طرح وہ اسلام کی کوئی خدمت سرانجام نہیں دے رہے ہوتے . سلطان برونائی اگر اسلام  کے بارے میں اتنے فکرمند ہیں تو سب سے پہلے انھیں بادشاہت کا نظام ختم کر دینا ہو گا . قوم کے اربوں ڈالر جو وہ اور ان کا خاندان سالانہ خود کھا جاتے ہیں ان کا پہلے  حساب دینا ہو گا . دولت کی منصفانہ تقسیم کرنی ہو گی . ملک کے تمام افراد کو برابری کے حقوق دینا ہونگے . عوام کے ہر فرد کو وہی کھلانا ہو گا جو وہ خود کھاتے ہیں . غرض مملکت کے ہر فرد کی تمام ضروریات بلا ،رنگ و نسل ،مذہب و ملت پوری کرنی ہونگی .اس کے بہد وہ اسلامی سزائیں نافذ کرنے میں حق بجانب ہونگے . صرف وہ سزائیں جو قرآن کریم میں الله رب و العزت نے مقرر کیں ہیں .
سلطان برونائی نے قیمتی گاڑیوں کا جو بیڑا اکٹھا کیا ہوا ہے . ہم اس کی ایک جھلک آپ کو دکھاتے ہیں .
مرسڈیز بینز                    531
فراری                            367
بنٹلے                             362
بی . ایم . ڈبلیو                 185
 جیگوار                         177
 پورشے                        160
رولس رائس                   130
لمبورگینی                      20
سلطان صاحب کے پاس موجود گاڑیوں کی تعداد 1932 ہے . موصوف نے اپنے جمبو جیٹ کی تزئین و آرائش پر تین سو ملین ڈالر خرچ کیے . چند سال پہلے سلطان برونائی نے برطانیہ میں چڑیا گھروں کے جانوروں کے لیے سو ملین ڈالر عطیہ دیا . جبکہ برما میں مسلمان بھوکے مر رہے ہیں . ان کے لیے بادشاہ سلامت کے پاس ایک پھوٹی کوڑی بھی نہیں .
نہ صرف ہمارے بلکہ ساری انسانیت کے مسائل کا حل اسلامی نظام میں موجود ہے . لیکن مسلم حکمران اسلام تو نافذ نہیں کرنا چاہتے صرف سزاؤں کا نفاذ چاہتے ہیں . تمام مسلم ممالک میں سود کا نظام جاری و ساری ہے . الله کریم کے واضح احکامات کے باوجود سودی نظام ختم کرنے کی طرف کوئی توجہ نہیں دی جاتی . ظلم ،ناانصافی ، چوری ،ملاوٹ ،جعلی ادویات ،رشوت خوری ،اقربا پروری ، قومی خزانے کی لوٹ مار کے خلاف کوئی زبان کھولنے کے لیے تیار نہیں . بس اسلام کو بد نام کرنے کیلئے سزاؤں کے نفاذ کا شور ضرور مچایا جاتا ہے . ہمیں یقین ہے کہ ہمارے حکمران اور نظام سرمایہ داری کے پروردہ اسلام کا نظام کبھی بھی نافذ نہیں کریں گے .کیونکہ اس طرح انکی حاکمیت ،عیاشیاں اور لوٹ مار ختم ہو جاۓ گی جو یہ کبھی نہیں چاہیں گے
.انهی لوگوں کے لیے الله کریم کا فرمان ہے .
جو لوگ الله کے نازل کردہ احکامات کے مطابق فیصلے نہیں کرتے .ایسے ہی لوگ کافر ہیں . سورہ المائدہ آیت .44