!!!!مقدس ترین پالیسی بیان

محمّد رسول الله نے جب نبوت کا اعلان فرمایا اور سر زمین عرب میں الله کا نظام قائم کرنے کے مقدس مشن کا آغاز کیا تو آپ نے فرمایا تھا . کہ جب ہم الله کا نظام قائم کریں گے .تو ایک وقت آۓ گا  .  کہ سونے سے لدی ایک جوان عورت اکیلی یمن سے دمشق تک کا سفر کرے گی اور اسے الله کے علاوہ کسی کا خوف نہ ہو گا .

اس کا مطلب تھا کہ ہماری ریاست میں ہر کسی کی عزت ،جان و مال محفوظ ہو گا .آپ کا یہ وعدہ تھا کہ اس ریاست میں قانون کی حکمرانی ہو گی . نظم و ضبط ہو گا .انصاف ہو گا. 
محمّد رسول الله نے اپنی زندگی میں یہ عظیم الشان نظام قائم کر کے دکھایا . (الله اکبر )

محمّد رسول الله کے انقلاب کا یہ صرف ایک پہلو ہے. لیکن یہ ہی سب سے اہم اور کسی بھی ریاست کی بنیاد ہے .اگر امن نہ ہو تو کوئی بھی معاشرہ پنپ نہیں سکتا .     پاکستان کے موجودہ حالات میں ہم اندازہ کر سکتے ہیں کہ امن و امان کی کیا اہمیت ہوتی ہے . ہمارے ملک میں ایک اکیلی عورت باہر تو کیا ،  اپنے گھر میں بھی محفوظ نہیں . 

دکھ یہ ہے کہ جس ریاست کی ذمہ داری ہے .عوام کی عزت ،جان و مال کی حفاظت کرنا ،ملک کے ہر شہری کے بنیادی حقوق کا تحفظ کرنا . وہ ہی چادر اور چار دیواری کا تقدس پامال کر رہی ہے .اور جن اداروں نے عوام کو تحفظ فراہم کرنا ہے وہ خاموش تماشائی بنے سب کچھ دیکھ رہے ہیں .